Դուբայի անապատում արհեստական «Սիրո լիճ»-ը Մերձավոր Արևելք այցելող ռոմանտիկ զույգերի համար ամենատպավորիչ տեսարժան վայրերից մեկն է, գրում է Oddity Central-ը։
Երկու միահյուսված սրտաձև լճերը գտնվում են Ալ Կուդրա օազիսի հարևանությամբ։ Զբաղեցնելով հսկայական 550 000 քմ տարածություն՝ դրանք դարձել են զբոսաշրջիկների ամենասիրելի վայրերից մեկը, որն էլ ավելի գեղեցիկ է արբանյակային լուսանկարներում։
Քաղաքային շրջաններից զգալի հեռավորության վրա գտնվող «Սիրո լիճ»-ը շրջապատված է հարյուր հազարավոր թփերով, 16 000 ծառերով և հազարավոր երփներանգ ծաղիկներով։
Նշենք, որ այն բացվել է 2018 թվականի նոյեմբերին։