Մայիսի 1-ին խոշոր չափի գողության դեպք է տեղի ունեցել Երեւանում: Կեսօրին ոստիկանության Մալաթիայի բաժին է դիմել Երեւանի բնակիչ Դավիթ Ալթունյանը եւ հայտնել, որ ապրիլի 30-ի ժամը 19:40-ից մինչեւ մայիսի 1-ի ժամը 13:30-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ Այասի փողոցում գտնվող ՀՀ ԱՆ «Դեղերի եւ բժշկական պարագաների ապահովման ազգային կենտրոն»-ի դռան ճաղավանդակը պոկել, մտել են ներս եւ մարզասրահից գողություն կատարել։ Այս մասին տեղեկացնում է shamshyan.com–ը։
Հափշտակել են նոութբուքեր, գույք, բժշկական պարագաներ: Փաստի առթիվ ոստիկանության Մալաթիայի բաժնի հետաքննական բաժանմունքում նյութեր են նախապատրաստվում:
Կայքի տեղեկություններով՝ ոստիկանություն ահազանգած Դ. Ալթունյանը աշխատում է ՀՀ ԱՆ «Դեղերի եւ բժշկական պարագաների ապահովման ազգային կենտրոն»-ում՝ որպես տնօրեն, իսկ կենտրոնին պատճառվել է մոտ 3 մլն դրամի վնաս:
