Ոստիկանության Չարենցավանի բաժնի քրեական հետախույզների բացատրական աշխատանքի արդյունքում հուլիսի 2-ին Չարենցավանի բնակիչ, 38-ամյա մի տղամարդ կամավոր հանձնել է թմբուկավոր ատրճանակ՝ լիցքավորված 8 փամփուշտով, ինչպես եւ ինքնաձիգի 31 հատ փամփուշտ, որոնք, ըստ նրա՝ պատկանել են հանգուցյալ հորը։
Հրազդանի ոստիկանների բացատրական աշխատանքի արդյունքում, դարձյալ հուլիսի 2-ին Հրազդանի բնակիչ, 31-ամյա մի տղամարդ կամավոր հանձնել է հանգուցյալ հորը պատկանած «Կարաբին» տեսակի հրազենն ու ինքնաձիգի 60 հատ փամփուշտը, որոնք գտել էր նկուղը մաքրելիս։
Հուլիսի 2-ին ապօրինի զենք-զինամթերքի կամավոր հանձնման դեպք է արձանագրվել նաեւ ոստիկանության Նաիրիի բաժնում։ Նոր Երզնկա գյուղի բնակիչներից մեկը բաժին է բերել կարճեցված փողով հրացան, պայթուցիչով նռնակ, ատրճանակի պահունակ, տարբեր տրամաչափի 140-ից ավելի փամփուշտ եւ այլն։
Կապանի մի բնակիչ հուլիսի 2-ին ոստիկանության Կապանի բաժնում կամավոր հանձնել է հանգուցյալ եղբորը պատկանած «ՏՕԶ» տեսակի հրազենն ու ինքնաձիգի 590-ից ավելի փամփուշտը, որոնք գտել էր գոմում։
Նշանակվել են փորձաքննություններ։
Հիշեցնենք, որ ապօրինի զենք-զինամթերքը կամավոր հանձնողներն ազատվում են քրեական պատասխանատվությունից։
