Խոշորագույն ընկերություններից մի որոշներն իրենց անվանումները ստացել են շնորհիվ արտադրանքի, որը ներկայացնում են, մյուսները՝ տարատեսակ այլ եղանակներով: Կան նաև ընկերություններ, որոնց անվանումները վերցված են «օդից» և ոչինչ չեն նշանակում: Ահա թե ինչպես են ընտրվել ժամանակակից IT հսկաների անվանումները:
Apple
Հարց է առաջանում. ի՞նչ ընդհանրություն կա համակարգիչների և խնձորների միջև: Apple ընկերությունը հիմնվել է 1976 թ. Սթիվ Ջոբսի, Սթիվ Վոզնյակի և Ռոնալդ Ույնի կողմից: Ըստ վարկածներից մեկի՝ ընկերության ոգին ու առաջնորդը՝ Սթիվ Ջոբսը, շատ է սիրում խնձոր, և այն պահին, երբ որոշվում էր ընկերության անունը, նա հենց խնձորի այգուց էր վերադառնում: Բացի դրանից, ըստ Ջոբսի՝ հեռախոսագրքերում Apple անվանումը պետք է ավելի վերևում լիներ, քան նրա նախկին գործատուի անվանումից՝ Atari: Արդյունքւոմ ընկերությունն անվանեցին Apple computers, որն էլ 2007 թ. սկսեց կոչվել պարզապես Apple:
Samsung
Կորեերենից թագմանած «սամսունգ» բառը նշանակում է «երեք աստղ»: Նման անվանումը կապված է աստղերի դասակարգումներից մեկի հետ՝ մեծ, բազմաթիվ և հզոր: Մինչ 1993 թ. հարավկորեական ընկերության լոգոտիպը հենց երեք աստղի տեսք ուներ, սակայն ավելի ուշ այն փոփոխության ենթարկվեց և այժմ կապույտ՝ սպիտակ նշանի տեսք ունի:
Մարկ Ցուկերբերգի կողմից 2004 թ. հիմնված սոցիալական կայքը ուներ «նախահայր»՝ օնլայն ծրագիր, որը կոչվում էր Facemash: Ըստ տարածված վարկածի՝ երիտասարդ Ցուկերբերգը կոտրել է Հարվարդի համալսարնաի տվյալների բազան, որտեղ սովորում էր, և ծրագրի միջոցով սկսել է ուսանողների նկարներ տեղադրել կայքում՝ հարցում կատարելով, թե նրանցից որն է առավել հմայիչ: Չորս ժամվա ընթացքում սոցիալակն կայքից օգտվել է մոտ 1,5 հազար օգտատեր: Այնուհետև ստեղծվել է ժամանակակից կայքի նախատիպը՝ thefacebook.com-ը, որն ի սկզբանե նախատեսված էր միայն համալսարանի ուսանողների համար:
Microsoft
Բիլ Գեյթսի և Պոլ Ալենի կողմից 1975 թ. հիմնված բրենդի անվանումը երկու բառի միաձուլումից է առաջացել՝ «միկրոպրոցեսոր» և «սոֆթ»: Ի սկզբանե նախատեսվում էր երկու բառերի արմատներն իրարից անջատել գծիկով՝ Micro-Soft:
Ի սկզբանե որպես փոքրիկ որոնման համակարգ ծառայող համակարգը իր անվանումը ստացել է մաթեմատիկական գուգոլ տերմինից: Գուգոլը թիվ է, որն իրենից ներկայացնում է մեկ միավոր և 100 զրո: Թվի անվանումը տվել է մաթեմատիկոս Էդվարդ Կազների 9-ամյա զարմիկը: Google-ի հիմնադիրներ Սերգեյ Բրինն ու Լարի Փեյջն ընտրել են հենց այդ թիվը, որպեսզի ցույց տան, թե ինչքան մեծ է որոնման համակարգում տեղ գտած տեղեկությունների ծավալը:
