Սա մեզ համար մեծ շոկ էր. Այս մասին լրագրողների հետ զրույցում ասաց Առողջապահության նախարար Արսեն Թորոսյանը՝ անդրադառնալով իր տեղակալ Արսեն Դավթյանի դեմ մեղադրանքներին:
Այդ ամեն ինչը կատարվել է, երբ ես ինքնաթիռում եմ եղել:Սա ոչ միայն մեր անձնակազմի այլև ողջ համակարգի համար մեծ շոկ էր,-ասաց նախարարը:
Հարցին, թե իր տեղակալին մեղավոր համարո՞ւմ է և ինչու՞ հաշվի չի առնվել նրա անմեղության կանխավարկածը, Թորոսյանը պատասխանեց.
«Նախարարի տեղակալի պաշտոնը հայեցողական պաշտոն է, և փոխնախարարը ցանկացած պահի կարող ազատվել աշխատանքից՝ անկախ որևէ հանգամանքից, անգամ՝ քաղաքական նպատակահարմարությունից»:
Առողջապահության նախարարը նշեց, որ մշտապես հետևում, ստուգում են,որ նման դեպքերը բացառեն, սակայն այս դեպքը չեն կարողացել կանխարգելել:
Ի պատասխան հարցին, թե հնարավոր համարո՞ւմ է, որ իր դեմ մեղադրանք առաջադրվի, նախարարը՝ ժպտաց:
Անդրադառնալով հեմոդիալիզի շուկայում մենաշնորհի լինելուն՝ Թորոսյանը նշեց, որ Հայաստանում մենաշնորհներով զբաղվում է ՏՄՊՊՀ-ն, և կարծում է՝ որ նրանք պետք է այդ լուրերը մեկնաբանեն
«Հայաստանւմ կան բազմաթիվ ընկերություններ, որոնք ներկրում են բազմաթիվ սարքավորումներ , դեղորայք, և այլ պարագաներ, և եթե կա հակամրցակցային պայմաններ և գորիշխող դիիրք, դրանով պետք է զբաղվի ՏՄՊՊՀ-ն»,-ասաց նա:
Հիշեցնենք, որ Հայաստանի Ազգային անվտանգության ծառայությունը ձերբակալել է առողջապահության փոխնախարար Արսեն Դավթյանին:
