Մենք ուզում ենք փոխել ԱԻՆ-ի կարգավիճակը, բարձրացնել նախարարության կանխարգելող դերը, ինչն ավելի կարևոր է, քան արտակարգ իրավիճակների հետևանքները վերացնելը: Այս մասին այսօր տեղի մամուլի ասուլիսի ժամանակ ասաց ԱԻ նախարար Ֆելիքս Ցոլակյանը:
Ցոլակյանը շեշտեց դպրոցներում «Քաղպաշտպանություն» առարկայի ներդրման կարևորությունը, որը պետք է ուսուցանվի ԱԻՆ աշխատակիցների կողմից:
«Մենք նաև նախատեսել ենք հետևյալը. ուզում ենք հեռու համայնքներում ստեղծել կամավորական հրեշեջ միավորներ, հրշեջ մեքենա տրամադրել, որն էլ կլոկալացնի կրակը», - ասաց Ֆելիքս Ցոլակյանը:
Նախարարի խոսքով՝ խոսքով՝ իրենք պրոֆեսիոնալիզմի հասել են ամենօրյա տքնաջան աշխատանքի շնորհիվ:
«Լուծված է փրկարարի համազգեստի, վառելիքի հարցը: Փրկարարը ստանում է օրենքով նախատեսված վերջին կաթիլ բենզինը, ինչն առաջ չի եղել: Ինչ վերաբերում է փրկարարների աշխատավարձերին, ապա կառավարության կողմից մեզ տրամադրվեց որոշակի գումար, ինչը հնարավորություն տվեց տարվա ընթացքում 4 անգամ պարգևավճար տալ նրանց` իրենց աշխատավարձի չափով»,-ասաց նախարարը:
Անդրադառանալով տեխնիկական զինվածության մակարդակին` Ֆելիքս Ցոլակյանը նկատեց, որ տարվա սկզբին ԱԻՆ-ին տրամադրվել է 10 ամենագնաց մեքենա, նաև` 18 հրշեջ, ևս 20-ը նախատեսվում է ընթացքում ստանալ` այսպիսիով թարմացնելով նախարարության ավտոպարկը:
Վերջին վեց ամսվա ընթացքում ԱԻՆ-ը սպասարկել է 1 մլն հեռախոսազանգ, տարվա ընթացքում` 2 միլիոն զանգ:
