2019 թվականին Առողջապահության նախարարությունը 200 մլն դրամ է հատկացնելու քաղաքացիների պետպատվերով ճառագայթային բուժումն ապահովելու համար: Այս մասին Հանրային հարցերի մշտական հանձնաժողովի նիստում հայտարարել է առողջապահության նախարար Արսեն Թորոսյանը:
Առողջապահության նախարարը հրավիրվել է ԱԺ հանրային հարցերի մշտական հանձնաժողովի նիստում անդրադարձել է առողջապահության ոլորտում կատարվող բարեփոխումներին,քննարկել քաղցկեղի, սրտանոթային հիվանդությունների, ինսուլտի բուժման ոլորտում առաջարկվող նոր փոփոխություններից մինչև հանրային լայն հնչեղություն ստացած հարցեր:
«Այս պահին մոտ 6 հազար մարդ ունի նման բուժման կարիք, սակայն պետպատվերին տրվող ֆինանսավորմամբ ճառագայթային բուժումից կարող է օգտվել 200-300 հիվանդ: 2 մլն դրամը մոտավորապես բավականացնելու է ընդմանեը 200-300 հոգու համար` այդ հնարավոր 5-6 հազարից, բայց ամեն դեպքում մենք պետք է նոր սկսենք» ,- ասել է Թորոսյանը:
Նախարարի խոսքով՝ այս տարի 200 հոգի կբուժվի և գնալով այդ թիվը կավելանա:
Արսեն Թորոսյանն անդրադարձավ նաև ոլորտում առկա իրավախախտումերին:
«Ես իմ պարտքն եմ համարում ցանկացած իրավախախտման մասին հայտնել իրավապահ մարմիններին։ Եթե կա մի պաշտոնյա, որը իրավախախտման մասին չի հայտնում իրավապահ մարմիններին, ապա նա թաքցնում է իրավախախտումը»,-ասաց նա:
