Այսօր ոստիկանության աշխատակիցները հերթական օպերացիան են իրականացրել:Մամուլում շրջանառվող լուրերի համաձայն՝ այս անգամ զոհը «Սեմուր ընդ Կո» ընկերության սեփականատեր Արմեն Վիրաբյանի որդի՝ Գուրգեն Վիրաբյանն է, ով խախտել է հայտարարված կարգը և շրջել թիկնազորի ուղեկցությամբ:
Armday.am -ի տեղեկություններով՝ Ոստիկանությունը ստուգումներ է իրականացրել ոչ թե Գուրգեն, այլ Արմեն Վիրաբյանի մեքենայում, ով վերջերս է Լոնդոնից վերադարձել Հայաստան և ներդրումներ արել հայրենիքում: Նշենք, որ Արմեն Վիրաբյանը հայտնի չէ սկանդալային պատմություններով, իշխանությունների հետ խնդիրներ չունի:
Armday.am-ի հետ զրույցում Արմեն Վիրաբյանը նշեց, որ որևէ կարգ չի խախտել, արտերկրից հյուրեր են ունեցել օդանավակայանից դիմավորել, տարել են հյուրանոց:
Նրա խոսքով՝ հյուրերի թիվը մեծ է եղել և երկու մեքենայի կարիք է զգացվել, սակայն իրենց ընտանեկան մեքենաներով այդ հարցը լուծվել է:
Ոստիկանությունը ստուգումների արդյունքում՝ որևէ կասկածելի բան չի հայտնաբերել, երթևեկության կանոն չի խախտվել և Արմեն Վիրաբյանին ու ուղեկցող մեքենային ազատ են արձակել:
