Մեր օրերում,մարդիկ իրենց հոգսերը հոգալու կամ կյանքը փոքր-ինչ բարեկեցիկ դարձնելու համար դիմում են բանկերի օգնությանը, սակայն, որպես կանոն, այդ քայլը նրանց համար ճակատագրական է դառնում, հատկապես, երբ այն համագործակցության նպատակով է լինում:
Հրազդանում բնակվող թոշակառու զույգը ստիպված է տան գույքը մաս-մաս վաճառել, որպեսզի վճարեն այն գումարը, որն անգամ չեն էլ տեսել: Այս մասին ArmDay.am-ին հայտնեց նրանց դուստրը՝Գարունիկ Ալեքսանյանը:
«Հայկ Սարգսյանի հետ որոշեցինք համատեղ բիզնես սկսել, որի համար երեք տարի առաջ 2.700.000 դրամ վարկ ենք վերցրել 2017 թ.-ի մարտի 20-ին ծնողներիս անունով: Այդ սրիկան գումարը խաբեությամբ պայուսակիցս վերցրեց և մինչև այժմ ծնողներս ստիպված փակում են այդ գումարը»,-ասաց նա:
Գարունիկ Ալեքսանյանի խոսքով՝ գումարը վերցրել էին Տիբեթյւան դեղաբույսերով բուժում սկսելու համար, որը նրաց առաջարկել էր «Ֆոհո» կազմակերպությունում աշխատող Գայանե Դավթյանը:
Գ. Ալեքսանյանը գտնվելով անելանելի վիճակում դիմել է Կոտայքի մարզի Հրազդանի ավագ քննիչ Վարդան Դավթյանին, սակայն նա խորհուրդ է տվել փաստաբան չվարձել և կարճել գործը:
«Բավական չէ, սրիկա Հայկ Սարգսյանը միլինոները հաշմանդամ, թոշակառու ծնողներիցս թալանել է քննիչի հետ, հիմա էլ «պաս»է տվել Երևանի օպեր լիազորներին»,-նշեց նա:
Գարունիկի խոսքով`Վարդան Դավթյանն ընկերական հարաբերությունների մեջ է Հայկի ու նաև Գայանեի հետ:
«Հայկ Սարգսյանը գումարը վերցնելու օրը նոր մեքենա է գնել, սակայն անամոթաբար ստում է, թե իր հայրն է գնել այդ մեքենան»,-նշեց տուժողը:
Գարունիկը պնդում է, որ երբ գնացել և խնդրել է գումարը վերադարձնել իրեն ծեծել են և դուրս արել տնից:
«Գնացել եմ և՛ Երևանի տուն, և՛ Ապարանի Արա գյուղ եմ հասել՝ ժամանակս ու գումարներս էլի վատնելով նրանց վրա: Խոստացել էին, որ կտան։ Վերջին անգամներն արդեն հոկտեմբեր-նոյեմբեր ամիսներին մեքնեան հոր անունով էին գրանցել և երբ գումար էի պահանջում հրաժարվում էին վճարել ու ծեծում էին ինձ»,-ասաց նա:
Գարունիկ Ալեքսանյանը ծնողների հոգսը թեթևացնելու համար ոսկի է գրավ դրել, սակայն դա ևս խարդախության ճանապարհով Հայկ Սարգսյանն իրենով է արել:
«Դավթյան քննիչն ուղարկել է օպեր լիազորի մոտ ու ինձ վրա ակտ են գրել իբր ես աշխատող եմ պահել այդ Հայկին ու ինքն ինձնից ապրանք է գնել ու ինքը չոր է դուրս եկել ,սակայն ես խանութ չունեմ, որ ինքն ինձնից գնի : Օպեր լիազորն իմ վրա միլիոն ու կես արձանագրություն է գրել չգիտեմ՝ ինչու։Եթե ծախսողը Գայանե Դավթյանն է,գումար վերցնողը՝Հայկ Սարգսյանը:Փաստեր, պարտավորագիր կա,որ միասին պիտի աշխատեինք ու գումարն փակեինք: Դավթյան այստեղ ինձ որպես ի՞նչ է տուժում ամեն կողմից»,-ասաց Գարունիկ Ալեքսանյանը:
Տուժողը դիմում է Արդարադատության նախարարությանը, հույսով՝ որ վերջապես կպատժվեն այս պատմության մեջ մեղավորներն ու խաբեբաները, ում պատճառով նրա թոշակառու ծնողներն իրենց տունը կորցնելու վտանգի առաջ են կանգնել:
