Ոստիկանության Երևան քաղաքի վարչության քրեական հետախույզների ստացած օպերատիվ տվյալներն իրացնելիս, հունվարի 18-ին, ժամը 18.00-ին, Ազատության 23 հասցեի մոտից, գողություն կատարելու կասկածանքով, ոստիկանության Արաբկիրի բաժին բերման է ենթարկվել 48-ամյա Արմեն Ա.-ն:
Պարզվել է, որ նույն օրը, ժամը 17.20-ից 17.50-ն ընկած ժամանակահատվածում, 46 համարի երթուղային ավտոբուսում Արմեն Ա.-ն մի կնոջ պայուսակից գողացել է դրամապանակը, որի մեջ եղել է 13.000 դրամ, մանրադրամ և զեղչային քարտեր:
Տուժողից ընդունվել է հաղորդում:
Գողոնը հայտնաբերվել է:
Նախապատրաստվում են նյութեր:
