Թաթայի թաքուն, անաղմուկ օգնությունը՝ գյումրեցի անապահովներին (լուսանկար)

«Առավոտի» տեղեկություններով, այս պահին Գյումրիի 60-ից ավելի անապահով ընտանիքների մեծ արկղերով սննդամթերք է բաժանվում՝ Ամանորյա սեղան գցելու համար։ Այս ծրագիրը ֆինանսավորվում է հայտնի երգիչ Թաթա Սիմոնյանի կողմից, այն իրագործում է Գյումրու Վարդան Աճեմյանի անվան դրամատիկական թատրոնի աշխատակազմը։ Մեր այս տեղեկությունը հաստատեց թատրոնի մենեջեր Նվարդ Ղազարյանը։ Նշենք, որ Թաթա Սիմոնյանն առաջին անգամ չէ նման բարեգործություն անում, պարզապես նա չի ցանկանում այս մասին խոսվի։ Այս անգամ ևս երգիչը խնդրել է չբարձրաձայնել, սակայն նրա փոխարեն սկսել են խոսել հաճելի անակնկալի եկած ընտանիքները։