Մեկնարկել է ՀՀ վարչապետի «Լավագույն կին գործարար-2017» մրցանակաբաշխությունը:
ՀՀ տնտեսական զարգացման բնագավառում կանանց ձեռնարկատիրական գործունեության եւ նախաձեռնողականության խրախուսման, տնտեսության տարբեր ճյուղերում կին գործարարների նվաճումները ըստ արժանվույն գնահատման, հանրահռչակման եւ սատարման նպատակով ՀՀ տնտեսական զարգացման եւ ներդրումների նախարարությունը հայտարարում է մրցույթ հետեւյալ անվանակարգերում`
1. «Լավագույն կին գործատու»,
2. «Լավագույն կին նորարար»,
3. «Կին գործարարի լավագույն ապրանքանիշ»,
4. «Լավագույն երիտասարդ կին գործարար»,
5. «Լավագույն սկսնակ կին գործարար»,
6. «Լավագույն կին գործարար արտահանող»:
Մրցույթի սկզբունքներն են՝
• յուրաքանչյուր հայտատու կարող է մասնակցել միայն երկու անվանակարգի՝ իր ընտրությամբ,
• յուրաքանչյուր անվանակարգի համար նախատեսվում է երկու մրցանակ՝ Երեւան քաղաքի եւ ՀՀ մարզերի լավագույն կին գործարարների համար,
• հայտատուների ընտրությունը կատարում է մրցութային հանձնաժողովը, որը ստեղծվում է ՀՀ տնտեսական զարգացման եւ ներդրումների նախարարի հրամանով:
Մրցանակաբաշխությունը կազմակերպում է ՀՀ տնտեսական զարգացման եւ ներդրումների նախարարությունը` ի դեմս «Հայաստանի փոքր եւ միջին ձեռնարկատիրության զարգացման ազգային կենտրոն» հիմնադրամի:
Մրցույթի մասին հայտարարությունը եւ յուրաքանչյուր անվանակարգի համար նախատեսված հայտաձեւերը կարող եք ներբեռնել այստեղից: Լրացված հայտաձեւերը անհրաժեշտ է ներկայացնել առցանց [email protected] էլեկտրոնային հասցեով, մինչեւ մարտի 6-ը, ժամը 12-ը:
Հավելյալ տեղեկատվություն ստանալու համար դիմել Հայաստանի ՓՄՁ ԶԱԿ-ի գրասենյակ (ք. Երեւան, Կոմիտասի 49/3, 7-րդ հարկ, 705 սենյակ) կամ մարզային մասնաճյուղեր (հասցեները` www.smednc.am կայքում) կամ զանգահարել (+374 10) 23 71 02 (106), (+374 98) 25 50 12 հեռախոսահամարներով:
