«Հայաստանում ինչն է ծաղկում, գաղտնալսումը»,- ԱԺ-ում «Արտաքին հետախուզական գործունեության և արտաքին հետախուզության ծառայության մասին» օրենքում փոփոխություններ և լրացումներ կատարելու մասին» օրենքի նախագծի քննարկմանն ասաց «Հայաստան» խմբակցության պատգամավոր Գեղամ Մանուկյանը։
ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը չհամաձայնվեց ընդդիմադիր պատգամավորի հետ։
«Չի ծաղկում, չի ծաղկում»,- ասաց Քոչարյանը։
«Լավ էլի»,- արձագանքեց Մանուկյանը։
Գ.Մանուկյանը գաղտնալսմանը վերաբերող հարցերով դիմեց նախագծի հիմնական զեկուցող ՀՀ արտաքին հետախուզության ծառայության պետ Քրիստիննե Գրիգորյանին։
Գ. Մանուկյանը նշեց, որ գլխավոր դատախազին էլ է ասել՝ գաղտնալսումները երբեմն քաղաքական նպատակահարմարության առումով չարիք են. «Գաղտնալսումները հետո դառնում են մոնտաժված, կեղված, կեղծիքի արդյունքում դառնում են քրեական գործեր»։
