Հաղորդավարուհի և ինֆլյուենսեր Արևիկ Ուդումյանը դժգոհություն է հայտնել Հանրապետության հրապարակում իրականացվող «խորոված փարթիի» վերաբերյալ, մատնանշել ահռելի բեմն ու հրավիրված արտիստներին։
Ինստագրամյան իր էջում հրապարակած տեսանյութերին կից նա նշել է, որ հարակից ողջ տարածքը փակ է, ինչն առաջացրել է տեղաշարժի խնդիրներ։
Ուդումյանը հարցադրում է արել՝ արդյոք տեղի՞ն էր նման տոնական միջոցառումը կազմակերպել Հայոց ցեղասպանության հիշատակի օրվա (ապրիլի 24) հենց հաջորդ օրը։
Նա սարկազմով ակնարկել է երկրի ֆինանսական վիճակի մասին՝ գրելով. «Արտաքին պարտք, հիշում ենք քեզ»։
Այս հրապարակումը հերթական քննարկումների առիթն է դարձել սոցցանցերում՝ կապված պետական միջոցների ծախսման առաջնահերթությունների և հիշատակի օրերին հաջորդող զվարճանքների էթիկայի հետ։
