«Մեր ձևով» ժողովրդական շարժման մամուլի խոսնակ Մարիաննա Ղահրամանյանն ընդգծում է՝ ՔՊ-ական իշխանությունը, դպրոցների միավորման կամ նոր դպրոց կառուցելու անվան տակ, փակում է դպրոցներ, ինչը հատկապես սահմանամերձ մարզերում լուրջ խնդրի է վերածվում։
«Հատկապես սահմանամերձ համայնքներում դպրոց փակելը հավասարազոր է գյուղը դատարկելու կանաչ լույսին, ինչն անում է ՔՊ-ական իշխանությունը՝ դպրոցների միավորման կամ նոր դպրոց կառուցելու անվան տակ։
ՔՊ-ական քարոզիչները չեն խոսում այդ գյուղերի բնակիչների խուլ դժգոհության մասին, ինչին ականատես էինք Սյունիքի մարզի գյուղերում` Սալվարդ, Հացավան, Թասիկ, Արևիս։
ՔՊ-ական քարոզիչները ցույց են տալիս միայն փաթեթավորումը, նրանք չեն խոսում փակվող աշխատատեղերի ու գործազրկության աճի մասին, չեն խոսում բովանդակության մասին։
Սարսափեցնող թվեր, որոնց մասին ՔՊ-ական քարոզիչները լռում են. տարրական դպրոցի 3 երեխայից 1-ը կարդացածը չի հասկանում, 3-ից 2-ը պարզ մաթեմատիկական գործողություններ չի կարողանում անել և 10-ը երեխայից 1-ը դպրոց չի գնում։ Ֆունկցիոնալ անգրագիտության մակարդակով Հայաստանը վերջին 5-6 տարիներին «առաջատար» է նախկին խորհրդային պետությունների շարքում անգամ միջինասիական երկրների համեմատ։
Հ.Գ. Գիտենք, թե ինչու եք խառնվել իրար, ճիշտ եք արել, քիչ մնաց...»,- սոցցանցի իր էջում գրել է «Մեր ձևով» ժողովրդական շարժման մամուլի խոսնակը։
