Փաստաբան Արսեն Բաբայանը մանրամասներ է հայտնել, թե ինչում են մեղադրում Արշակ Սրբազանին և թե ինչ «հիմքով» են ձերբակալել նրան։
«Արշակ Սրբազանին մեղադրում են, թե իբր վերջինս 2018-ին Վեհափառի դեմ ակցիա իրականացնողներից մեկին վարկաբեկելու նպատակով պայուսակում թմրամիջոց է դրել:
Ավելի անհեթեթ բան չէինք լսել»,- ընդգծել է Բաբայանը։
Նշենք, որ քիչ առաջ Քննչական կոմիտեն էր ներկայացրել, թե ինչ վարույթով են ձերբակալել Սրբազանին։
«նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով (մի խումբ անձանց կողմից նախնական հանաձայնությամբ թմրամիջոց ապօրինի իրացնելը՝ հանդիսադիր վայրում)»,- ասել էին քննչականից։
