«ՀՀԿ-ն իր բոլոր ռեսուրսներով կանգնած է եկեղեցու կողքին, մենք պատրաստ ենք ցանկացած անհրաժեշտ տրամաբանությամբ պաշտապանել մեր եկեղեցին՝ ազգությամբ հայ հարձակվողներից»,- այս մասին «Իշխանության գրոհը սահմանադրական ազատությունների դեմ և մեր պատասխանը» թեմայով հանրային ֆորումի մեկնարկից առաջ լրագրողների հետ ճեպազրույցում ասաց ԱԺ «Պատիվ ունեմ» խմբակցության ղեկավար Հայկ Մամիջանյանը։
Նրա խոսքով՝ եկեղեցին մեզ համար սուրբ կառույց է, եկեղեցու պաշտպանությունը պետք է իրականացվի հենց այն տարբերակով, որը կորոշի եկեղեցին և Վեհափառ Հայրապետը:
Մամիջանյանը նաև նշեց, որ նման բան պատմության մեջ չի եղել:
«Եկեղեցին ամենաազդեցիկ կառույցներից մեկն է, բայց ես զերծ կմնամ գնահատական տալ այն հոգևորականներին, որոնք մասնակցում են մի պատարագի, որտեղ խախտվում է սուրբ պատարագի կարգը և չի հնչում Վեհափառ Հայրապետի անունը»,- նկատեց պատգամավորը:
