«Ազգային Ժողովից զանգահարեցին, ասացին, որ Ռուբեն Ռուբինյանը հարկ չի համարում ընդունել միայն ինձ»-ԱԺ ընդունարանում ասաց հասարակական-քաղաքական գործիչ Էդգրա Ղազարյանը։
Նա բացատրեց, որ այդ իրազեկումը նշանակում է, որ քաղաքացիների հետ ընդունելությունը կայանալու է, Ռուբինյանն առողջ է, ի վիճակի է ընդունելություն կազմակերպել, բայց իրեն չի ընդունում։
«Պարոն Ռուբինյանը 5-րդ անգամ իրականացնում է նույն հանցագործությունը, որն նկարագրված է քրեական օրենսգրքի 203-րդ հոդվածում, այն է խտրական վերաբերմունք է քաղաքացու նկատմամբ՝ պայմանավորված նրա քաղաքական հայացքներով»,- ասաց Ղազարյանը։
Նա հիշեցրեց, որ ի պատասխան ՄԻՊ-ի պահանջին ՝ ԱԺ-ից պարզաբանել են, որ Ռուբեն Ռուբինյանը և Հակոբ Արշակյանը իրեն չեն ընդունում, քանի որ նա քաղաքական գործիչ է։
«Իրենք իրենց գրավոր պարզաբանմամբ հաստատել են քաղաքականության իմաստով խտրական մոտեցումը»- ասաց հասարակական-քաղաքական գործիչը։
Ղազարյանը հայտնեց, որ այսօր զանգահարել է նաև ԱԺ նախագահին, որպեսզի պարզաբանում ստանա նրա տեղակալների գործողությունների վերաբերյալ։
«Ալեն Սիմոնյանին փորձեցի զանգել, անհասանելի էր, երևի Սուպեր Սաքոն այստեղ է, հավանաբար առանձնացել են»-ասաց Ղազարյանը և նշեց, որ նորից կփորձի կապ հաստատել ԱԺ նախագահի ընդունարանի հետ, որպեսզի իրեն էլ տեղյակ պահեն, որ արդեն 5-րդ ամիսն է, ինչ ԱԺ փոխնախագահներն խտրական վերաբերմունք են ցուցաբերում և ընդունելության չեն արժանացնում։
Ղազարյանը տեղեկացրեց, որ իրեն չընդունելու յուրաքանչյուր դեպքով հաղորդում է ներկայացրել, սակայն Քննչական կոմիտեն Վարույթ չի հարուցել, որից հետո երկու անգամ դատարանում շահել է հայցը, բաց ՔԿ-ն դրանից հետո ընդամենը մեկ օրով է վարույթ բացել և փակել։
Նա հայտարարեց, որ ՔՊ խմբակցության 24 պատգամավորի դեմ հայց ե ներկայացրել, որոշների դեմ՝ մի քանի անգամ և նրանց փրկությունը իմպիչմենտին միանալն է։
«ԱԺ-ում, 24 հոգանոց խմբակցություն ունեմ, որոնց վրա քրեական գործ կա և նրանց միակ փրկությունը Հայկ Մամիջանյանի մոտ գնալը և իմպիչմենտի գործընթացին միանալն է, հենց այդքան ստորագրություն էլ պակասում է իմպիչմենտի համար»,-ասաց Ղազարյանը։
Ավելի ուշ Էդգար Ղազարյանը կարողացավ կապ հաստատել ԱԺ նախագահի գրասենյակի հետ, որտեղ նրան խորհուրդ տվեցին գրանցվել ընդունելության Սիմոնյանի օգնականների մոտ, ինչն էլ նա արեց։
