Փաստաբան Ալեքսանդր Կոչուբաևը կալանավորվեց 2 ամսով։ Այս մասին գրել է փաստաբան Ռոման Երիցյանը։
«Որոշումը կայացրել է դատավոր Մասիս Մելքոնյանը (ով նախկինում կալանքի որոշում էր կայացրել արքեպիսկոպոսներ Բագրատի և Միքայելի նկատմամբ - խմբ.)»,-գրել է նա։
Հիշեցնենք, որ Ալեքսանդր Կոչուբաևը ձերբակալվել էր երեկ։
Նրա նկատմամբ քրեական վարույթ է հարուցվել Քրեական օրենսգրքի 490-րդ հոդվածի 2-րդ մասով (դատավորի, դատախազի, քննիչի մասին արատավորող, նշված անձանց իրավունքներին ու օրինական շահերին այլ վնաս պատճառող տեղեկություն հրապարակելը՝ կապված նշված անձանց օրինական ծառայողական կամ մասնագիտական գործունեության հետ:
«Կոչուբաեւի մեղադրանքը կապված է իր ֆեյսբուքյան գրառման հետ։ Կոչուբաեւը իր մեղադրանքը չի ընդունում, հրաժարվել է ցուցմունք տալ։ Մեղադրանքի հոդվածն ու գրառումն իրար հետ աղերս չունեն»,– ասել է իրավապաշտպան Էրիկ Ալեքսանյանը։
Հիշեցնենք նաև, որ Ալեքսանդր Կոչուբաևը Ռոբերտ Քոչարյանի և Բագրատ Սրբազանի ու մյուսների գործով անցնող փաստաբաններից է։
