Ֆուտբոլի աշխարհի առաջնության եվրոպական գոտու ընտրական փուլի F խմբի երրորդ տուրում Հայաստանի հավաքականը Բուդապեշտում հյուրընկալվեց Հունգարիայի հավաքականին։
Եղիշե Մելիքյանի գլխավորած թիմը պարտություն կրեց 0:2 հաշվով։
56-րդ րոպեին աչքի ընկավ հունգարական «Պուշկաշ Ակադեմիայի» 29-ամյա հարձակվող Դանիել Լուկաշը։ Ավելացված չորորդ րոպեին գոլի հեղինակ դարձավ հունգարական «Ֆերենցվարոշի» 21-ամյա հարձակվող Ժոմբոր Գրուբերը։
F խմբի երրորդ տուրի մյուս խաղում խմբի առաջատար Պորտուգալիայի հավաքականը կընդունի Իռլանդիային։
Հոկտեմբերի 14-ին Հայաստանի հավաքականը Դուբլինում կհյուրընկալվի Իռլանդիայի թիմին։
