Ազգային ժողովի փոխնախագահ Հակոբ Արշակյանը բացառում է, որ ՔՊ-ից որևէ մեկը կարող է միանալ Նիկոլ Փաշինյանին անվստահություն հայտնելու գործընթացին։
«Որևէ քաղաքական օրակարգ չկա վարչապետի դեմ իմպիչմենտի ինչ-որ պրոցես սկսելու, զբաղմունք է՝ գտել, զբաղվում են»,- լրագրողների հետ զրույցում ասաց նա։
ՔՊ-ականը հայտարարեց, թե ինքը շատ է շփվում հանրության հետ, նման հարց հանրության մեջ չի քննարկվում։
«Փողոցում, սուպերմարկետում ինձ կանգնեցնում ու ասում են՝ այո՛, խաղաղության օրակարգը ճիշտ օրակարգ է, պետք է հետևել դրան, ամեն տեղ կանգնեցնում են»,- ասաց Արշակյանը։
