«Մեր ներկայացրած պահանջներից կարող ենք ասել, որ միայն մեկ կետ է հաշվի առնվել՝ ձևավորվի խմբեր և աշխատեն համատեղ»,- լրագրողների հետ զրույցում ասաց արցախցին։
«Ժողովուրդը չի կարողանալու ապրել, քանի որ եթե չլինի այլընտրանքային բնական ապահովման ծրագիր: Ես այդ 50000 դրամը համեմատում եմ վրանի հետ: Այսինքն՝ ապրիլի 1-ից պետությունը, կառավարությունը վրանը մեզնից վերցնում է, վրան վերցնելով մենք մնում ենք առանց առանց տանիքի»,- ասաց նա։
Նա նաև հայտնեց, որ Արցախցիների իրավունքների պաշտպանության խորհուրդը մշակել է գործողությունների պլան, որի մասին հայտարարեն վաղը։
«ժողովուրդը պետք է հասկանա, որ, ցավոք սրտի, այսօր տարբեր մարդկանց միջոցով տարբեր կարծիքներ են հայտնում, որ իբր թե կշարունակվի կամ կփոխարինվի մեկ այլ ծրագրով, բայց դրանք սուտ են: Բոլորս պետք է միաբանվենք, դուրս գանք պայքարի, ու այդ ձև հնարավոր է հասնել հաջողության, այլապես ոչինչ չի ստացվի:
Մեր գործողություններն ավելի կխստանան: Հիմա մենք, կարելի է ասել, խնդրանքի կարգով դիմեցինք, որ հազարավոր մարդկանց անունից, ովքեր դուրս են եկել հանրահավաքի։ Շատերը հեռու ապրելով չեն կարողացել գալ Երևան և մասնակցել հանրահավաքի: Այսինքն իրենց անունից մենք պահանջել ենք, ցավոք սրտի, այսօր դա մերժվել է: Մարդիկ պետք է կարողանան այստեղ ապրել, որպեսզի ՀՀ-ից արտագաղթ չլինի»,- ասաց նա:
Հիշեցնենք, որ ՀՀ կառավարությունից հրավիրել էին «Արցախցիների իրավունքների պաշտպանության» խորհրդի ներկայացուցիչներին՝ հանդիպելու փոխվարչապետ Տիգրան Խաչատրյանի հետ և քննարկելու պահանջները: Մինչև կառավարությունում անցկացվում էր հանդիպում, արցախիցներն ինքնաբուխ հավաքվել էին կառավարության մոտ՝ հանրայնորեն վերահաստատելու իրենց պահանջները:
