«Տատիկների գործ»-ով դատարանը մերժել է քննիչի՝ Անահիտ Խալաթյանի նկատմամբ տնային կալանք կիրառելու միջնորդությունը:
«Տիկին Անահիտն ազատության մեջ է:
Որպես խափանման միջոց դատարանը կիրառել է վարչական հսկողությունը»,- այս մասին հայտնել է փաստաբան Արսեն Բաբայանը։
Հիշեցնենք, որ Գյումրիում մարտի 30-ին ընթացող ընտրությունների ընթացքում քաղաքացիական հագուստով անձինք բերման էին ենթարկել ավագանու անդամի թեկնածու Անահիտ Խալաթյանին և տարեց այլ կանանց։
Արսեն Բաբայանը հայտնել էր, որ Անահիտ Խալաթյանի գլխին հարվածել են, ասել՝ «ցմահ նստելու ես, ինչ ես գտել Մարտունի մեջ»։
Անահիտ Խալաթյանին մեղադրանք է ներկայացվել ընտրակաշառքի խոստման վերաբերյալ, որը Խալաթյանը չի ընդունել՝ հերքելով այն։ Քննիչը միջնորդել է Խալաթյանի նկատմամբ որպես խափանման միջոց կիրառել տնային կալանքը։
