ԱԺ-ում վարչապետ Նիկոլ Փաշինյանը հայտարարեց՝ «ղարաբաղյան շարժումը չենք շարունակում, մենք գնում ենք ուրիշ ճանապարհով»։ Որպես «հիմնավորում»՝ նշեց, թե Հայաստանն ու Ադրբեջանը փոխադարձաբար ճանաչել են միմյանց տարածքային ամբողջականությունը, բացի այդ, սահմանազատում է իրականացվում։
«Սահմանազատման կանոնակարգերը արդեն վավերացված թղթեր են երկու երկրներում, Ալմաթայի հռչակագիրը ճանաչված է որպես բազային սկզբունք, և մենք այս համատեքստում ասում ենք, որ ղարաբաղյան շարժումը չենք շարունակում, մենք գնում ենք ուրիշ ճանապարհով»,-ասաց նա։
Ըստ Փաշինյանի՝ դա նշանակում է, որ սահմանային միջադեպերի նկատմամբ վերաբեմունքը, բանաձևն էլ պետք է փոխել։
«Մենք գնում ենք այդ ճանապարհով»,-կրկնեց նա։
Փաշինյանը նաև հայտարարեց, թե իրենք Ադրբեջանին առաջարկել են սկսել խորհրդակցություններ «ոչ միայն հրապարակային եղանակով, այլ նաև դիվանագիտական խողովակներով»։
