Պարոն Աղազարյան, ճանաչելով Ձեզ, գիտեմ, որ ուղղախոս մարդ եք, սակայն կարող եք ասել, թե սա ում խոսքերն են՝ ասված ամիսներ առաջ՝ «մենք ամենալավ իշխանությունն ենք»․ դիմելով Հովիկ Աղազարյանին՝ հարցրեց ՔՊ-ական պատգամավոր Սիսակ Գաբրիելյանը:
«Իմ խոսքերն են, չեմ էլ հրաժարվում, բայց այն բանից հետո, երբ ինձ հեռացրեցիք, արդեն ամենալավը չեք, այլ շատ վատն եք»,-ասաց Աղազարյանը:
Գաբրիելյանն էլ արձագանքեց. «Բա հիմա ի՞նչ խնդիր ունեք, որ գնաք ու կողմ քվեարկեք, որ Ձեր ընտրած դատախազը, դատավորներն ու քննիչները գործը շարունակեն»:
«Խնդիր ունեմ, որ ձեր նման լուսավոր երիտասարդները հանդուրժում են վարչապետի հետևյալ խոսքերը՝ «Կարեն Անդրեասյանը չի հեռացել պաշտոնից, ես եմ իրեն հորդորել, որ հեռանա»: Դա ամենասարսափելի իրողությունն է, որ դուք հանդուրժում եք: Եվ այստեղ ավարտվել է այն Նիկոլ Փաշինյանը, որին ես ճանաչել եմ, ով լսելու ունակություն ուներ և ծնվել է Նիկոլ Փաշինյան ավտորիտար ղեկավարը: Մեր երկրի համար ավտորիտարիզմը կործանարար է»:
