Հեռացնելու ենք այս չարիքը ճիշտ այն ժամանակ, երբ մենք ուղղակիորեն պատրաստ կլինենք այն իրականացնելու և իրագործելու, ֆեյսբուքյան ուղիղ եթերում ասաց «Սրբազան պայքար» շարժման առաջնորդ Բագրատ արքեպիսկոպոս Գալստանյանը։
«Թերանալու, սխալվելու իրավունքն չունենք։ Սա մեր հաղթանակի կռիվը պետք է լինի, ընթացիկ որևէ այլ քայլ և գործողություն չի լինելու, այն պետք է լինի վերջնական ու հաղթանակի մարտը։ Սա մեր ազգային-ազատագրական պայքարն է, մեր քաղաքակրթական, արժեքների ընտրության պայքարն է, և մենք կոչված ենք այդ ընտրության մեջ հաղթանակ կնքելու»,- նշել է նա։
«Այս չարիքի իշխանությունն ապրում է հոգեվարքի մեջ։ Չեմ դադարելու ասել, բազմաթիվ տեղեկություններ ենք ստանում այդ հոգեվարքի վկայության մասին։
Մեր հաղթանակը մեր առջևում է, մեր անելիքը մեր դիմաց է և այն չի ուշանալու»,- ասել է Բագրատ Սրբազանը։
