2024 թվականը ՀՀ զինված ուժերի համար բարենպաստ տարի էր, այս մասին լրագրողների հետ հանդիպմանն ասաց ՀՀ պաշտպանության նախարար Սուրեն Պապիկյանը։
«2024 թվականը ձեռքբերումների տարի էր»,- ասաց նա։
Նախարարի խոսքով՝ շատ կարևոր է բանակի պրոֆեսիոնալ դառնալը, որում շատ կարևոր դերակատարում ունի «Պաշտպան հայրենյաց» ծրագիրը։
Սուրեն Պապիկյանը նշեց նաև, որ ձևավորվել են Տարածքային պաշտպանության զորքեր, Հատուկ նշանակության զորքեր, ԱԹՍ վարչություն, որը համակարգելու է հետագայում ԱԹՍ զորքերի կառավարումը։
