Քաղաքագետ Կարեն Վրթանեսյանը ֆեյսբուքյան իր էջում գրել է․
«2 կարևոր իրադարձություն այս նույն օրը 4 տարի առաջ, որոնք պիտի դառնային մեր կոլեկտիվ հիշողության մաս։
Առաջինը. 2020 թվականի նոյեմբերի 19-ին ադրբեջանցիներն առանց մեկ կրակոցի, շվշվացնելով մտան Աղդամ։ Ըստ նոյեմբերի 9-ի եռակողմ հայտարարության՝ հայկական ուժերը պիտի դուրս գային նոյեմբերի 20-ին, բայց Նիկոլը շտապում էր օր առաջ հանձնել Աղդամը։
Հանձնվեցին նաև մի շարք գյուղեր, այդ թվում Նոր Մարաղան, որում ապրում էին 1992 թվականին Մարաղա գյուղում հայերի կոտորածից փրկվածները։
Մարդկանց հստակ չէին զգուշացրել հանձնման մասին. հիշո՞ւմ եք տեսանյութը, որում հայ գյուղապետը, գյուղացիները ստիպված բանակցում էին ադրբեջանցի զինվորականների հետ, որ թողնեն բնակիչներին որոշ իրերով դուրս գալ գյուղից։
Նշեմ, որ 44-օրյա ամբողջ պատերազմի ընթացքում ադրբեջանցիները չէին կարողացել գեթ մեկ թիզ առաջ գալ Աղդամի շրջանում, Աղդամը հանձնվել է Նիկոլի ստորագրությամբ։
Երբ ձեզ ինչ-որ մեկն ասի, թե «պաշտպանության գիծը լավ կահավորված չէր», հարցրեք, թե Աղդամի կողմից ինչու ադրբեջանցիները չկարողացան մտնել։ Չէ՞ որ լրիվ հարթ տարածք էր։
Անպայման հիշեք նաև այն անբարոյականներին, որոնք «Աղդամը մեր հայրենիքն է» ֆլեշմոբ էին անում 2019-ին։ Ընդհանրապես հիշեք, որ նիկոլականների համար հայրենիքը զուտ ֆլեշմոբի մատերիալ է։ Ինչքան Աղդամին տեր կանգնեցին, այնքան էլ Արագած լեռանն են տեր կանգնելու...
* * *
Նույն օրը մահացավ Արցախի հերոս, գեներալ Մանվել Գրիգորյանը։ Մարդ, ով հողը ոչ թե ֆլեշմոբերով էր «պահում», այլ արյունով։
#հիշողՄարդ»։
