Մի խումբ քաղաքացիներ ակցիա են իրականացրել Անվտանգության խորհրդի գրասենյակի մոտ՝ այնտեղ բրնձի տոպրակներ տանելով, որում ԱԽ քարտուղար Արմեն Գրիգորյանի նկարն է:
Նրանք ԱԽ քարտուղարի նկարով եւ մի բրնձիր գրությամբ տոպրակները թողել են ԱԽ գրասենյակի մոտ:
Հիշեցնենք, որ օրեր առաջ Երեւանում տեղի ունեցած համաժողովի ընթացքում ՀՀ ԱԽ քարտուղար Արմեն Գրիգորյանը նշել էր, որ ՀՀ-ն պետք է հարմարվողական լինի նաեւ պարենային անվտանգության առումով, որպեսզի չենթարկվի ճնշումների: Նա նշել էր, որ օրինակ ալյուրը կարելի է փոխարինել բրնձով, ինչը տարբեր շրջանակների մոտ քննադատության էր արժանացել:
