ԱԺ նիստի ժամանակ «Քաղաքացիական պայմանագիր» խմբակցության պատգամավոր Խաչատուր Սուքիասյանը ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանից հետաքրքրվեց.
«Արդյոք ունեք հաշվարկ՝ լույսերը լեդով փոխելուց հետո ինչքա՞ն ենք տնտեսում և այդ տնտեսվող գումարն ի՞նչ արդյունքներ կտա մեզ, և արդյոք կա Ձեզ մոտ գնահատական ջրի կորուստները հիմնականում ո՞ր հատվածում են լինում՝ դեպի քաղաք եկող ջրատարից, թե երբ այն սկսում է բաժանվել»:
Փոխնախարարը նշեց, որ ջրակորուստների ճնշող մեծամասնությունը տեղի է ունենում ոչ թե մագիստրալային ջրատարներում, այլ ներբնակավայրային ցանցերում:
Սուքիասյանն առաջարկեց կառուցել 1.40 բարձրությամբ թունելներ և կոմունիկացիաներն իրականացնել այդ ձևով, որովհետև ՀՀ-ն ցեմենտ է արտադրում, քարը կա:
«Շատ երկրներ են փոքր թունելներ կառուցել և այսօր ամենաարդյունավետ տարբերակն է»,- նշեց Սուքիասյանը:
