Իրանագետ Վարդան Ոսկանյանը գրում է․ «Մեր տարածշրջանի մի քանի լեզուներում «հայ» էթնիկական նշանակյալն իմաստի ընդլայնման արդյունքում ստացել է նաև «քրիստոնյա» նշանակություն ընդհանրապես։
Այդպես է պարսկերենում ارمنی [արմանի] «հայ; քրիստոնյա», քրդերենում file [ֆըլա] «հայ; քրիստոնյա», ադրբեջաներեն erməni [էրմանի] «հայ; քրիստոնյա» և այլն։
Սա ցույց է տալիս նաև, թե ինչպիսի դեր ու նշանակություն ունենք հայերս հին արևելյան քրիստոնեական աշխարհում, և դա նաև մեր հինավուրց եկեղեցու վաստակն է»։
