Անցակետում ու մինչև անցակետը Ադրբեջանի կողմից տեղի են ունենում կամայական ձերբակալություններ, կառավարության նիստում այս մասին հայտարարեց վարչապետ Նիկոլ Փաշինյանը։
Սա, ըստ վարչապետի, չափազանց անհանգստացնող փաստ է։
«Պետք է արձանագրենք, որ մեր պետական մարմինները բոլոր նման դեպքերում պետք է համարժեք քայլերի դիմեն՝ կամայական ձերբակալված անձանց իրավունքները պաշտպանելու, այդ թվում՝ միջազգային ատյաններում, սա պետք է լինի մեր օրակարգում այնքան ժամանակ, քանի այդ հարցերը հասցեագրված չեն պատշաճ ձևով»,- նշեց Փաշինյանը։
