Փարիզի Էյֆելյան աշտարակի աշխատակիցներն ու այցելուները տարհանվել են՝ ռումբի մասին ահազանգից հետո, հայտնել է Le Parisien պարբերականը՝ հղում անելով ոստիկանությունում իր աղբյուրին։
Լրատվամիջոցի հայտնած տեղեկատվության համաձայն, տարհանումն իրականացվել է՝ «որպես նախազգուշական միջոց», իսկ ռումբի մասին ահազանգի հեղինակին դեռ չեն պարզել, էվակուացրել են նաև աշտարակի հարևանությամբ գտնվող ռեստորանի աշխատակիցներին և այցելուներին, ինչպես նաև աշտարակի մոտ գտնվող անձանց։
Դեպքի վայր են ժամանել ոստիկանության սակրավորները՝ տարածքում ստուգումներ իրականացնելու համար։
