«Լոռու Մղարթ գյուղը խմելու ջրով ապահովելու համար անհրաժեշտ է ընդամենը 1 միլիոն». Մ. Սողոմոնյան

«ՀայաՔվե» նախաձեռնության անդամ Մենուա Սողոմոնյանը ֆեյսբուքյան իր էջում գրել է. «Սնուփ Դոգի այցելության համար կառավարությունը հատկացնում է 23 միլիոն դոլար․․․
Լոռու Մղարթ գյուղը խմելու ջուր չունի, կարող եք ինքներդ գնալ ու տեսնել։ Ամբողջ գյուղի խմելու ջուրը ճկույթի հաստության մի աղբյուրից է, էն էլ բաղադրության հետ կապված խնդիրներ կան։ Մարդիկ, ովքեր հնարավորություն ունեն, էստեղ-էնտեղից մեքենայով ֆլյագաներով են ջուր բերում տուն, որ խմեն կամ ճաշ ուտեն։ Ու էս հարցը տարիներ շարունակ լուծում չի ստանում։
Ջրագծի կառուցման, ողջ գյուղը խմելու ջրով ապահովելու համար անհրաժեշտ է էդ 23 միլիոնից ընդամենը մեկ միլիոնը, ըստ իմ ունեցած տեղեկության»։