Եվրոպայի լիգայի գավաթակիր «Մանչեսթեր Յունայթեդը» մեկնել է Մակեդոնիայի մայրաքաղաք Սկոպյե, որտեղ Չեմպիոնների լիգայի գավաթակիր Մադրիդի «Ռեալի» հետ կվիճարկի Եվրոպայի սուպերգավաթը: Անգլիական թիմի կազմում հանդիպմանը մեկնել է նաեւ Հայաստանի հավաքականի կիսապաշտպան Հենրիխ Մխիթարյանը:
Մրցավայր է մեկնել նաեւ Մադրիդի «Ռեալը», որի հետ է նաեւ օգոստոսի 5-ին արձակուրդից վերադարձած պորտուգալացի հարձակվող Կրիշտիանու Ռոնալդուն:
Եվրոպայի Սուպերգավաթի հանդիպումը տեղի կունենա օգոստոսի 8-ին եւ կմեկնարկի Երեւանի ժամանակով 22:45-ին:
