Ադրբեջանի նախկին արտգործնախարար Թոֆիկ Զուլֆուգարովն առաջարկում է «նեղել» ռուս խաղաղապահներին Լեռնային Ղարաբաղում:
Նրա խոսքով՝ առաջին հերթին Ադրբեջանը պետք է վերահսկողություն հաստատի Լաչինի միջանցքի վրա գտնվող դիրքի նկատմամբ: «Խաղաղապահների խնդիրն է ապահովել խաղաղ բնակիչների անվտանգությունը Ղարաբաղում: Ոչ ոք նրանց ձեռք չի տալիս, այնպես չէ՞: Նրանց ուղղությամբ կրակ չեն բացում, չէ՞: Խաղաղապահներին պետք է ասել, որ վերահսկեն իրավիճակը իրենց դիրքերում, իսկ մենք ինքներս կպաշտպանենք մեր սահմանները»,- ադրբեջանական լրատվամիջոցների փոխանցմամբ՝ ասել է Զուլֆուգարովը:
Այժմ խոսքն իրանական բեռնատարներով ապրանքների փոխադրումը վերահսկողության տակ առնելու փորձի մասին է: Անկասկած, հաջողության դեպքում հաջորդ փուլում Ադրբեջանը կփորձի արգելել հայկական բեռնատարների տեղաշարժը:
