ԱՄՆ նախագահ Ջո Բայդենը կվերացնի նախկին նախագահ Դոնալդ Թրամփի սահմանած արգելքը, ըստ որի տրանսգենդերները չեն կարող ծառայել բանակում, հաղորդում է CBS News-ը:
Ակնկալվում է, որ այդ մասին պաշտոնապես կհայտարարվի արարողության ժամանակ, որին կմասնակցի Պենտագոնի նոր ղեկավար Լլոյդ Օսթինը: Բայդենը համապատասխան հրամանագիր կստորագրի եւ զինված ուժերի ստորաբաժանումներին կհրամայի դրա իրականացման ծրագիր մշակել:
Ավելի վաղ հաղորդվել է, որ Բայդենը առողջապահության նախարարի օգնական կնշանակի բժիշկ Ռեյչել Լեվայնին, ով տղամարդ է ծնվել: Նա այդպիսով կդառնա առաջին տրանսգենդերը, որը դաշնային պաշտոնի է նշանակվում Սենատում հաստատմամբ:
