Ես արեցի այն ամենը, ինչ կարող էի, բայց, չստացվեց. իրանահայ գործարարը՝ Եղվարդի նավթավերամշակման գործարանի մասին


Ես արեցի այն ամենը, ինչ կարող էի, բայց, չստացվեց. իրանահայ գործարարը՝ Եղվարդի նավթավերամշակման գործարանի մասին
Հունվար 17 16:03 2021

Եղվարդի նավթամշակման գործարանը չի բացվի: Այս մասին գրում է Economy of Armenia ֆեյսբուքյան էջը: 

Նշվում է, որ իրանահայ գործարար Հենրիկ Տեր-Ղուկասյանը հայտարարել է, որ Հայաստանում նստած են ինչ-որ սատանայական խմբեր, որոնք խանգարում են ներդրողներին: Armoil նավթավերամշակման գործարանի թույլտվությունը տրվել էր դեռ հեղափոխությունից առաջ, դրանից հետո նոր իշխանությունները նույնպես թույտվություն են տվել: Սակայն սկսվել էին խնդիրներ տեղի բիզնեսմենների հետ, ովքեր մոտակայքում ունեն մրգատու այգիներ, ինչպես նաև հարակից տների բնակիչների հետ:
 

Մրգատու այգիների տերերը պահանջել են կաʹմ դադարեցնել բիթում և զանազան յուղեր արտադրող գործարանի շինարարությունը, կաʹմ էլ գնել այգիների հողատարածքները: Հենրիկ Տեր-Ղուկասյանը հայտարարել է, որ գործարանը գտնվում է Եղվարդի արդյունաբերական գոտում, և կիրառվելու են ամենաժամանակակից սարքավորումներ՝ առանց արտանետումների: Այնինչ, տեղի բնակիչներն իրենց տների համար պահանջել են 200 հազար դոլար՝ դրանց շուկայական արժեքից 5-10 անգամ ավելի:
 

Հրապարակման մեջ նշվում է. «Ընդհանուր առմամբ, գործարարն ասել է, որ բիզնեսում արդեն ներդրել է 23 միլիոն դոլար, նախատեսում է ներդնել 30 միլիոն, բացել 300 աշխատատեղ ՝ 250 հազար դրամ աշխատավարձով: Նա խոստացել է, որ այլևս երբեք չի վերադառնա գործարանի մասին հարցին ՝ ամեն ինչ թողնելով Աստծո դատին:

 «Լինելով հայ ՝ ես արեցի այն ամենը, ինչ կարող էի իմ հայրենիքում, բայց, ցավոք, չստացվեց, և հիմա ես հասկանում եմ, որ չպետք է ստացվեր»: - ասաց գործարարը: 

«Հայ լինելով, ես հայրենիքում արել եմ ամեն ինչ, ինչ կարողացել եմ, սակայն, ցավոք, չստացվեց, և հիմա ես հասկանում եմ, որ ի սկզբանե չպիտի ստացվեր»»,- հայտարարել է գործարարը»:



loading...