Ռոբերտ Քոչարյանը խոսեց Մարտակերտում զոհված իր հարազատի մասին


Ռոբերտ Քոչարյանը խոսեց Մարտակերտում զոհված իր հարազատի մասին
Դեկտեմբեր 5 00:03 2020

Իմ հարազատներից մեկը զոհվել է Մարտակերտում, Բելլայի քրոջ թոռն է՝ Հենրի Հարությունով, 20 տարեկան, ժամկետային զինծառայող։ Զոհվել է հոկտեմբերի 28-ին, հուղարկավորվել է այստեղ՝ Եռաբլուրում նոյեմբերի 12-ին։  Այս մասին այսօր՝ դեկտեմբերի 4–ին, «5–րդ ալիք» հեռուստաընկերությանը   տված հարցազրույցում ասել է ՀՀ երկրորդ նախագահ Ռոբերտ Քոչարյանը։

«Մինչև երեկ զոհվածների ցուցակում այդ երիտասարդի անունը չկար։ Սրա անունն ի՞նչ դնեմ, փնթիությո՞ւն: Եվ այդպիսի մարդիկ տասնյակն են, եթե ոչ հարյուրավոր, և այս իշխանությունը նույնիսկ մեկ վայրկյան մտածում է, որ ինքը կարող  է շարունակել նստած մնալ աթոռների վրա՞: Բայց դուք պատկերացնո՞ւմ եք՝ Եռաբլուրում հուղարկավարված նոյեմբերի 12-ին մինչև այսօր զոհվածների ցուցակում չկա: Պորցիա-պորցիա են տալիս։ Ամեն մի զոհվածի հետևում ընտանիք կա, բարեկամություն կա, ընկերություն կա։ Էս ի՞նչ արհամարհանք է այդ մարդկանց նկատմամբ»,- ասաց ՀՀ երկրորդ նախագահը։



loading...