Արարատի մարզում ընկած ռուսական Մի-24 ուղղաթիռում 2 անձ է եղել, որոնք մահացել են․ ՀՀ ԱԻՆ


Արարատի մարզում ընկած ռուսական Մի-24 ուղղաթիռում 2 անձ է եղել, որոնք մահացել են․ ՀՀ ԱԻՆ
Նոյեմբեր 9 20:33 2020

Պարզվել է, որ ռուսական Մի-24 ուղղաթիռն ընկել է Երասխ-Պարույր Սևակ ճանապարհահատվածի 2-րդ կմ-ի աջակողմյան դաշտամիջյան հատվածում և բռնկվել։

Այս մասին հայտնում են ՀՀ ԱԻՆ մամուլի ծառայությունից։

Ըստ նախնական տվյալների՝ կա երկու զոհ։

Հրդեհը մեկուսացվել է ժամը 19։48-ին, մարվել՝ 20։11-ին։

Ավելի վաղ հայտնել էինք, որ նոյեմբերի 9-ին, ժամը 18։39-ին Արարատի մարզային ճգնաժամային կառավարման կենտրոն ահազանգ է ստացվել, որ Երասխ գյուղից Պարույր Սևակ գյուղ տանող հատվածում՝ ձորում, ռուսական ուղղաթիռ է ընկել և բռնկվել։

Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից երեք մարտական հաշվարկ։



loading...