Բելառուսի նախագահ Ալեքսանդր Լուկաշենկոն ծանոթացել է հրթիռաշինության ոլորտում հայրենական ռազմական մշակումներին, փոխանցում է «Բելտա» գործակալությունը:
Պետության ղեկավարին զեկուցել են, որ մշակվող հրթիռի փորձարկման համար, որը կարող է մինչև 300 կիլոմետր հեռավորության վրա թիրախներ խոցել, դիտարկվում են Չինաստանի, Ղազախստանի, Ուզբեկստանի, Սաուդյան Արաբիայի զինափորձարանները: Լուկաշենկոն հայտնել է, որ Ռուսաստանը առայժմ հրաժարվում է փորձարկման համար տրամադրել իր զինափորձարանները:
«Պետք չէ ռուսների առաջ ծնկի գալ։ Դա ազդանշան է. մեր մերձավոր դաշնակիցը ոչ միայն չհամաձայնեց մեզ հետ հրթիռ ստեղծել, այլև՝ զինափորձարան տրամադրել»,- կոչ է արել Բելառուսի նախագահը:
Նա նաև կոնկրետ հանձնարարականներ է տվել խնդրահարույց հարցերի լուծման ուղղությամբ։