Մենք չունենք քո աջակցության կարիքը, ջնջի գրառումդ, քանի որ այն ուշացած է

ԲՀԿ Ուսանողական խորհրդի նախագահ Լիաննա Մանուկյանն անդրադարձել է ծանրամարտի աշխարհի չեմպիոն, Եվրոպայի կրկնակի չեմպիոն, մարզական կարիերան ավարտած Նազիկ Ավդալյանի հայտարարությանը։ Մասնավորապես, Ավդալյանն այսօր, ի աջակցություն Գագիկ Ծառուկյանի, գրառում էր կատարել՝ նշելով, որ հույս ունի՝ ամեն ինչ արագ կպարզվի, և այս իրավիճակը կավարտվի խաղաղ ու արժանապատիվ հանգուցալուծմամբ։ Ի պատասխան՝ Լիաննա Մանուկյանը հայտարարել է, որ ուշացած արձագանքներն իրենց պետք չեն։ «Կարելի էր գալ դատարանի բակ, կանգնել մի ծառի տակ ու ոչինչ չասել»,- ասել է Մանուկյանը։