Մահվան ելքով վրաերթ՝ Վանաձորի «Աֆոնա» հարսանյաց սրահի դիմաց. 29-ամյա վարորդը, ով պայմանագրային զինծառայող է, վրաերթի է ենթարկել 64-ամյա հետիոտնին. վերջինը հիվանդանոցւոմ մահացել է

Մահվան ելքով վրաերթ՝ Վանաձորի «Աֆոնա» հարսանյաց սրահի դիմաց. 29-ամյա վարորդը, ով պայմանագրային զինծառայող է, վրաերթի է ենթարկել 64-ամյա հետիոտնին. վերջինը հիվանդանոցւոմ մահացել է
Սեպտեմբեր 19 21:58 2019

Այսօր` սեպտեմբերի 19-ին, մահվան ելքով վրաերթ է տեղի ունեցել Լոռու մարզում։ Ժամը 20։10-ի սահմաններում Վանաձորի բնակիչ՝ 29-ամյա Միքայել Եփրեմյանը իր վարած Opel Astra մակնիշի 50 CD 700 համարանիշի ավտոմեքենայով Երևանյան խճուղում՝ «Աֆոնա» հարսանյաց սրահի դիմաց, վրաերթի է ենթարկել Վանաձորի բնակիչ՝ 64-ամյա Ա. Հարությունյանին, գրում է shamshyan.com-ը։

Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, իսկ վրաերթի ենթարկվածը օպրատիվորեն դեպքի վայր ժամանած Վանաձորի հիվանդանոցի բժիշկների կողմից տեղափոխվել է հիվանդանոց, որտեղ քիչ անց, գիտակցության չգալով, մահացել է։

Դեպքի վայր են ժամանել ճանապահային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները՝ դասակի հրամանատար Գարիկ Մարտիրոսյանի գլխավորությամբ։ 

Ժամանել են նաև ոստիկանության Բազումի բաժնի օպերատիվ խումբը բաժնի պետ Արթուր Մկրտչյանի գլխավորությամբ։ Այս պահին ոստիկանները սպասում են, որպեսզի դեպքի վայր ժամանեն Հայաստանի քննչական կոմիտեի Լոռու մարզային քննչական վարչության քննիչները։ SHAMSHYAN.com-ի թղթակիցը տեղից հայտնում է, որ դեպքի վայրում հավաքվածներն ասում էին, որ վարորդը ծառայում է ՀՀ ՊՆ N զորամասում՝ որպես պայմանագրային զինծառայող։

loading...