Մարտի 3-ի գիշերը Ամիրյան փողոցում տեղի ունեցած միջադեպի գործով Նարեկ Մալյանը, և «Ռեստարտ»-ի անդամ Դավիթ Պետրոսյանն ու Դավիթ Սիմոնյանը հարցաքննվել են:
Այս մասին ArmDay.am-ի հետ զրույցում ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
Մարտի 3-ի գիշերը Ամիրյան փողոցում տեղի ունեցած միջադեպի գործով Նարեկ Մալյանը հարցաքննվել է ու տուժող ճանաչվել: Հարցաքննվել են նաև «Ռեստարտ»-ի անդամ Դավիթ Պետրոսյանն ու Դավիթ Սիմոնյանը, որոնց նկատմամբ նաև խափանման միջոց է ընտրվել:
«Դավիթ Պետրոսյանը և Դավիթ Սիմոնյանը երեկ հարցաքննվել են: Դավիթ Պետրոսյանը և Դավիթ Սիմոնյան նկատմամբ խափանման միջոց է ընտրվել ստորագրություն չհեռանալու մասին»,-ասաց ՀՀ գլխավոր դատախազության մամուլի խոսնակը:
Նշենք, որ դեպքի առթիվ հարուցվել է քրեական գործ՝ ՀՀ ՔՕ 258 հոդվածի 3-րդ մասի 1-ին կետով։
Հիշեցնենք, որ Նարեկ Մալյանը հայտնել էր, որ իր վրա հարձակում է տեղի ունեցել, որը չհերքեցին նաև «Ռեստարտ»-ի անդամները:
