Տեղի է ունեցել տեղեկատվության արտահոսք, և նախարարության աշխատակիցներից ինչ-որ մեկը, իր ձեւակերպմամբ, քաղծառայողին ոչ հարիր կեցվածք է դրսեւորել: Այս մասին ասաց Մշակույթի նախարարի պարտականությունների կատարող Նազենի Ղարիբյանից
Հարցին, թե ով է փաստաթուղթը դուրս հանել կամ, ովքեր են աշխատել այդ փաստաթղթի վրա, Մշակույթի նախարարի պարտականությունների կատարողը հրաժարվեց պատասխանել: Նա նաև շրջանցնեց լրագրողների այլ հարցեր,և բուն շեշտը դրեց միայն այն ինֆորմացիայի վրա, որ ՊՈԱԿ-ները չեն փակվելու:
«Դա մեր ներքին աշխատանքային փաստաթղթաշրջանառության համակարգում է պտտվել, ընդամենը առաջարկների փաթեթ է, որն արվել է վերլուծությունների հիման վրա, բայց դա չի նշանակում, որ դա վերջնական որոշում է: Դա ընդամենը տեղեկանք է եւ անգամ նախագիծ չէ: Այդտեղ ինչ-որ գրված է, գրված է փաստարկված վերլուծության հիման վրա, իսկ թե ինչպես է հայտնվել «դրսում», հավանաբար նախարարության աշխատողներից մեկը քաղծառայողին ոչ հարիր գործողություն է կատարել եւ մեր ներքին աշխատանքային փաստաթուղթը տրամադրել է ԶԼՄ-ներին: Այդպիսի վերլուծություններ, առաջարկներ, տեղեկանքներ բոլոր նախարարություններում էլ կատարվում են»,-ասաց Նազենի Ղարիբյանը:
Ղարիբյանի խոսքով՝ մղումը եղել է հասկանալը դրանց գործունեության արդյունավետությունը, համապատասխանելիությունը իրենց կանոնադրությամբ սահմանված նպատակներին և կարգավիճակին: Խնդիր դրված չի եղել ՊՈԱԿ-ների ինչ-որ քանակից ինչ-որ քանակի անցնելը:
Անդրադառնալով Երգի թատրոնի հետ կապված աղմուկին և Արթուր Գրիգորիչի արձագանքին՝ Ն. Ղարիբյանն ասաց.
«Երգի պետական թատրոնը չի փակվելու, ոչ էլ Աթուր Գրիգորյանն ինձ զանգել է: Եթե նախկին իշխանության ժամանակ հարցերն այդպիսի զանգերով էին լուծվում, ապա հիմա այպես չէ»,-ասաց նա:
Նշենք, նաեւ, որ երկուշաբթի օրը Ղարիբյանը կհանդիպի նախարարության ենթակայությամբ գործող ՊՈԱԿ-ների տնօրենների հետ:
