Ադրբեջանում Հայաստանի քաղաքացի Կարեն Ղազարյանին արագ կարգով դատապարտել են 20 տարվա ազատազրկման: Report-ի փոխանցմամբ՝ Ղազարյանի կատարած «ծանր հանցագործությունը» արագացված տեմպով է քննվել:
Կարեն Ղազարյանը մեղադրվում է Ադրբեջանի ՔՕ-ի մի շարք հոդվածներով, մասնավորապես կյանքի եւ առողջության, տնտեսական գործունեության ոլորտում, հասարակական անվտանգության դեմ կատարված հանցագործությունների մեջ:
Հայաստանի քաղաքացի Կարեն Ղազարյանը գերի էր ընկել անցյալ տարվա ամռանը: Երիտասարդը հոգեկան հիվանդություններ ունի, սակայն դա չի խանգարում Ադրբեջանի իշխանություններին նրան որպես «դիվերսանտ» ներկայացնել:
