Ազգային ժողովի նախկին պատգամավոր, գեներալ Մանվել Գրիգորյանին հիվանդանոց տեղափոխելու մասին տեղեկություն նրա փաստաբան Արսեն Մկրտչյանը չունի: Armday.am-ի հետ զրույցում փաստաբանը նշեց, որ Մանվել Գրիգորյանին այցելել է այսօր՝ ժամը 11։00-11։15-ին, «Երևան-Կենտրոն» քրեակատարողական հիմնարկում։
«Եթե անգամ տեղափոխվել է հիվանդանոց, ես այդ մասին տեղյակ չեմ»,- մեզ հետ զրույցում ասաց փաստաբանը։
Մանվել Գրիգորյանի պաշտպանները նաև լրատվամիջոցներին հայտնել են, որ իրենց պաշտպանյալին գրավի դիմաց ազատ արձակելու նոր միջնորդություն են ներկայացրել դատարան։
Նշենք, որ գեներալ Մանվել Գրիգորյանին շտապ «Նաիրի» բժշկական կենտրոն տեղափոխելու մասին հաղորդել է araratnews.am-ը՝ հզում անելով իր աղբյուրներին։ Կայքը գրել է, որ Գրիգորյանի առողջական վիճակը կտրուկ վատացել է, այլ մանրամասներ հայտնի չեն։
