Երևանում փետրվարի 7-ից 10-ը տեղի կունենա Մանկական ուռուցքաբանության արևելյան և միջերկրածովյան խմբի երկրորդ գիտաժողովը, որն այս տարի կազմակերպում է Երևանի Մխիթար Հերացու անվան պետական բժշկական համալսարանը:
Ինչպես հայտնեցին Երևանի Մխիթար Հերացու անվան պետական բժշկական համալսարանից, մանկական ուռուցքաբանության արևելյան և միջերկրածովյան խումբը բաղկացած է 23 երկրների մանկական քաղցկեղի 70 կենտրոններից: Գիտաժողովին կմասնակցեն պատվիրակություններ աշխարհի ավելի քան 30 երկրներից:
ԵՊԲՀ-ումեկնարկել են Մանկական ուռուցքաբանության արևելյան և միջերկրածովյան խմբի երկրորդ գիտաժողովին նախորդող դասընթացները: Պալիատիվ բժշկության դասընթացին ներկա էր է գտնվել 50 մասնակից: Դասընթացի ղեկավարներն են Սուրբ Հուդայի մանկական հետազոտական հիվանդանոցի պալիատիվ բժշկության բաժնի ղեկավար Ջասթին Բեյքերն ու մանկական ուռուցքաբանության հայտնի մասնագետ Քերըն Ուիլիամսը:
Դասընթացները կշարունակվեն մինչ փետրվարի 8-ը, իսկ փետրվարի 9-ին և 10-ին տեղի կունենան գիտաժողովի գլխավոր նիստերը: Մանկական ուռուցքաբանության արևելյան և միջերկրածովյան խմբի երկրորդ գիտաժողովն անց է կացվում Երևանի Մխիթար Հերացու անվան պետական բժշկական համալսարանի նախաձեռնությամբ. համակազմակերպիչ են նաև աշխարհի խոշորագույն մանկական քաղցկեղի կենտրոն՝ Սուրբ Հուդայի մանկական հետազոտական հիվանդանոցն (ԱՄՆ) ու Բեյրութի ամերիկյան համալսարանը (Լիբանան): Հայաստանն առաջին անգամ կազմակերպում նման լայնածավալ գիտաժողով մանկական ուռուցքաբանության բնագավառում, որը չափազանց կարևոր նշանակություն ունի ոլորտի զարգացման համար:
