Երեկ համացանցում տարածված լուրն այն մասին, թե Հրազդանում կարգելվի կարճ շրջազգեստ կրել,չի համապատասխանում իրականությանը: Այս մասին ֆեյսբուքյան իր էջում գրել է Հրազդանի քաղաքապետ Սևակ Միքայելյանը:
Քաղաքապետի մեկնաբանությունը ներկայացնում ենք ամբողջությամբ:
Հարգելի քաղաքացիներ,
Երեկ Armcomedy հումորային կայքում
‹‹Հրազդանում կարգելվի կարճ շրջազգեստ կրել›› վերնագրով նյութ է հրապարակվել, որն ի զարմանս ինձ լայն տարածում է գտել և լուրջ է ընկալվել հասարակության մի որոշ հատվածում:
Հարգելիներս ArmComedy-ն լրատվական կայք չէ, այլ միմիայն երկու մարդկանց երգիծական երևակայության արդյունք, ինչպես նշված է իրենց իսկ կայքում: Ուստի ամենայն պատասխանատվությամբ հայտարարում եմ, որ նյութն իրականությանը չի համապատասխանում և ամբողջությամբ հորինվածք է:
