2019 թվականի մեկնարկին մնացել են հաշված օրեր: Մարդկանց մի մասն ակտիվորեն պատրաստվում Ամանորին, մի մասն ընդհանրապես անտարբեր է տոների նկատմամբ, մյուս մասն էլ պատրաստվում է տոներն անցկացնել արտերկրում:
Թե որ երկրներում են այս տարի հայերը նախընտրում լինել Ամանորին և նախորդ տարիների համեմատությամբ, մարդկանց թվի, տոմսի արժեքի նվազու՞մ, թե աճ կա, ArmDay.am-ը զրուցել է տուրիստական 30 գործակալության հետ:
Հարցումների արդյունքում՝ հայտնի դարձավ, որ չնայած մարդկանց սոցիալական վատ վիճակին, ինչպես, սովորաբար նշվում է, դրսում Ամանորը անցկացնողների թիվն աճել է նախորդ տարիների համեմատ:
Տոմսի արժեքը նվազել է:Նախընտրած ուղղությունները հիմնականում եվրոպական երկրներն են, որին հաջորդող ուղղություններն են՝ եգիպտոսը, Դուբայը, Հունաստանը, Ռուսաստանը ԱՄՆ-ն: Ի տարբերություն նախորդ տարիների՝ Վրաստան այցելողների թիվն այս տարի չի գերակշռում:
Այն հարցին, թե որքան գումարի կկազմի երկու հոգու համար մեկ շաբաթյա հանգիստը օրինակ ՝ Եգիպտոսում,տուրիստական գործակալությունները միջինը հաշվարկով նշեցին 2200-2500դոլարի սահմանը:
ArmDay.am-ը զրուցել է նաև տոները դրսում անցկացնել նախընտրողների հետ,որոնք հիմնականում նշեցին, որ չեն ցանկանում տոնական օրերին վազվզել, հոգնել: Նրանք տարվա կտրվածքով գումար են տնտեսում հերթական տոնն անկրկնելի անցկացնելու և վայելելու համար:
